Սիրելի՛ ընթերցողներ,
Ձեր ընթերցանությանն ենք ներկայացնում «Մունետիկ» պարբերականի 11-
րդ համարը, որն ամփոփում է 2025 թվականի հունիս, հուլիս և օգոստոս
ամիսներին Լեհահայոց կյանքում տեղի ունեցած նշանակալի մշակութային,
գիտական, քաղաքական, հասարակական, կրոնական իրադարձությունները։
«Մունետիկ» պարբերականի այս համարում, որը 2025 թվականի
ամառային հրատարակությունն է, իր մեջ ամփոփում է Երևանի Մեսրոպ Մաշտոցի
անվան գիտահետազոտական ինստիտուտի մասին պատմող հոդվածը։ Այն
անդրադառնում է Մատենադարանի պատմությանը, կառուցմանը, ձեռագրերի
հավաքածուներին, այլալեզու ձեռագրերին, գիտական և թանգարանային
գործունեությանը, գրավոր ժառանգության վերականգնմանը, ինչպես նաև
անդրադարձ կա հայկական ձեռագրերում տեղ գտած վկայություններին, որոնք
վերաբերվում են Լեհաստանին և լեհահայերին։
Այս համարում տեղ է գտել նաև Հայոց ցեղասպանության թանգարան-
ինստիտուտի մասին պատմող հոդվածը, որը բավականին հետաքրքիր
տեղեկություններ է պարունակում թանգարանի կառուցման,
ցուցադրությունների, վավերագրերի, ինչպես նաև արժեքավոր գիտական,
հետազոտական գործունեության մասին։
Ընթերցանության է ներկայացված նաև դոկտոր Քշիշտոֆ Ֆեդորովիչի
անդրադարձը սույն թվականի օգոստոսի 8-ին Վաշինգտոնում Հայաստանի
Հանրապետության վարչապետ Նիկոլ Փաշինյանի, Ադրբեջանի Հանրապետության
նախագահ Իլհամ Ալիևի ու ԱՄՆ նախագահ Դոնալդ Թրամփի ստորագրած
հայտարարությանը՝ Հայաստանի և Ադրբեջանի միջև խաղաղության
համաձայնագրի վերաբերյալ։
Ցանկանում ենք մեր երախտիքի և գնահատանքի խոսքերն ուղղել մեր
ընթերցողներին՝ հավատարիմ կերպով մեր հրատարակումներն ընթերցելու, մեզ
ուղղված ջերմ խոսքերի և դրական կարծիքների համար, որոնք մեզ համար
պարտավորեցնող են և լիահույս ենք, որ հաջորդող հրատարակություններով
կշարունակենք ընդլայնել մեր լսարանը և մշտապես սպասված
հրատարակություն լինել Լեհահայոց համայնքի կյանքում։

Բարի ընթերցանություն։

ՀՐԱՉՅԱ ԲՈՅԱՋՅԱՆ
Խմբագրական խորհրդի նախագահ